Tajmilt i Mulud Ferɛun.(1913-1962 )
Tajmilt i Mulud Ferɛun.(1913-1962 )
kerheɣ aggur n meɣres. Acuɣer ?
Axaṭer yesmaktayed aktayen iqerḥen tassa, allaɣ d wul. Yesmektayed lmut n Mulud Ferɛun, mmi-s n igellil.
Ferɛun illul di taddart n Tizi Hibel deg useggas n 1913.Di tazwara, yella d aselmad deg uɣerbaz amezwaru. Iḥemmel tasekla. Yezga yettbeddil tiktiwin d imura imeqranen yecban Albert Camus d wumdakkel-is Emmanuel Robles d wiyaḍ nniḍen.
Ijebbed-it webrid n tsekla, yebda yettaru s tefransist. Tira-ines teṣfa am waman, tecbeḥ am wudfel, ẓidet am tament n tzizwit, aɣanib-ines d aḥerfi, d afessas, iserreḥ yerna yenecraḥ. Yura ungalen anida yesdukkel tilawt d usugen s tiḥerci.
Yessen ad yeḥku, yettak azal ula i yifutas imectaḥ. Idlisen-is ttmeslayen am usaru yerra d lemri ɣef tmetti taqbaylit, jebden imeɣriyen am dkir.
Yura ɣef ṭrad, d amaru amezwaru id yenna-n tidet akken tella, akken teḍra
deg Aɣmis n 1955-1962.
D amaru i yuklalen arraz n Nobel di tsekla maca irebraben n L’O.A.S nɣan Dda Lmulud ass amcum n 15 di Meɣres, ass aberkan deg umezruy n tsekla .
Sghur Hemmar Bussaed.